Ami ta Judith

Despues di a biba den dos internat na Kòrsou den añanan 1940 i 1950, Dith Martis-Leito (1935) tabata maestra di skol básiko i di enseñansa pa adulto pa mas ku 35 aña. Tambe katekista i guia spiritual. E ta biuda, mama, wela i aktualmente penshonado. Esnan ku konos’é ta apresi’é pa su kuentanan pa mucha, charlanan religioso spiritual, letra pa kantika, poesia, orashon i kombibensia.Ami ta Judith ta su storia di bida – un storia ku siñansanan personal i profundo ku maestra Dith ke kompartí ku su famia i su pueblo.

"Kalurosamente skibí, ku aki aya humor na e momentunan adekuá. Ta duna un imágen fantástiko di un temporada ku hopi di nos a biba i ku e generashon despues di nos, no sa di dje. E kontenido lo kai na smak di un i tur i lanta nostalgia. Fuerte tambe ta e parti kristian ku ta kuminda pa famia. E buki ademas di esei ta hopi edukativo mediante su historia bunita.” – Diana Lebacs

“Mi a keda enkantá. Mi a biba tur loke Judith a skirbi. Mi a gosa mi barika yen di su outobiografia. El a bolbe habri un mundu di un pasado kompartí. Su rekuerdonan ta sumamente importante pa e generashon akí tuma nota di dje i purba redeskubrí e balornan, e desensia i e kombibensia ku a forma nos kultura. Judith, danki pa e tesoro akí.” – Jopi Hart

“Abierto, alkaso, ekselente, masha bunita, bale la pena. Un fuente di inspirashon!” – Edsel ‘Papy’ Jesurun

“E buki ta ekspresá fe, speransa i amor, spesialmente den e di dos parti, e pida di e bida kasá. Ta un nèchi echo religioso.” – Jeroen Heuvel

“E buki ta masha inspirativo, Dios a duna Judith hopi balor. Vários pasashi ta asina emoshonante ku mi wowo ta yena ku awa!” – Jenny Fraai